CJ ချယ်လ်ဆီးအသင်းဟာ ၂၀၂၄-၂၅ ဘောလုံးရာသီမှာ အခွန်မဆောင်ခင် ပရီးမီးယားလိဂ်စံချိန်တင် အရှုံးပေါ်ခဲ့တယ်လို့ ကြေညာခဲ့ပါတယ်။
ချယ်လ်ဆီးအနေနဲ့ ၂၀၂၄-၂၅ ရာသီမှာ ပေါင် ၂၆၂ သန်း အရှုံးပြခဲ့ပြီး ၂၀၁၁ ခုနှစ်က မန်စီးတီးအသင်းရဲ့ ပေါင် ၁၉၇.၅ သန်းထက်
ပိုများခဲ့တာဖြစ်တယ်။
ကလပ်သမိုင်းမှာ ဒုတိယအမြင့်ဆုံးအဖြစ် ပေါင် ၄၉၀.၉ သန်းအထိ ဝင်ငွေရရှိခဲ့ပေမဲ့ အရှုံးလည်း များခဲ့ပါတယ်။
ဒါပေမဲ့ ချယ်လ်ဆီးအသင်းက ဘဏ္ဍာရေးစည်းမျဉ်းများနဲ့ လိုက်လျောညီထွေ ဖြစ်နေဆဲပဲလို့ ဖော်ပြခဲ့ပါတယ်။
ချယ်လ်ဆီးအသင်းဟာ ၂၀၂၂ ခုနှစ်က BlueCo ကုမ္ပဏီ အသင်းပိုင်ရှင်ဖြစ်လာပြီးနောက် ကစားသမားသစ် ခေါ်ယူမှုများအတွက် ပေါင်
တစ်ဘီလျံကျော် အသုံးပြုခဲ့ပါတယ်။
ချယ်လ်ဆီးအဖို့ အခု ၂၀၂၅-၂၆ ဘောလုံးရာသီမှာ ဝင်ငွေပိုမြင့်တက်လာဖို့ရှိပြီး ကလပ်ကမ္ဘာ့ဖလားဗိုလ်စွဲမှုကနေ ပေါင် ၈၅ သန်း၊ ချန်ပီယံ
လိဂ်ရုပ်သံဝင်ငွေကနေ ပေါင် သန်း ၈၀ လောက် ဝင်လာဖို့ရှိပါတယ်။
ချယ်လ်ဆီးအမျိုးသမီးအသင်းကလည်း ၂၀၂၄-၂၅ ရာသီမှာ ပေါင် ၁၇.၁ သန်း အရှုံးပြခဲ့ပြီး ပေါင် ၂၁.၃ သန်း ဝင်ငွေ ရရှိခဲ့ပါတယ်။
