Shine Bu Chay

သတင်း – မင်းသော်

စစ်ကောင်စီတပ်မှ တပ်ကြပ်ကြီးတစ်ဦးကို တောင်သာမြို့နယ် ပြည်သူ့ကာကွယ်ရေးတပ်ဖွဲ့က ရဲမေတွေ ဦးဆောင်တဲ့အဖွဲ့က လက်နက်နဲ့တကွ အရှင်ဖမ်းဆီးနိုင်ခဲ့တယ်လို့ တောင်သာပကဖ မှ ထုတ်ပြန်ထားပါတယ်။

၂၀၂၅ခုနှစ်၊ ဇွန်လ၂၂ရက်(ယမန်နေ့) မနက်၉နာရီလောက်မှာ အရပ်ဝတ်အင်္ကျီ၊ အောက်ခံယူနီဖောင်းဝတ်ထားတဲ့ စစ်ကောင်စီတပ်သားတစ်ဦးဟာ မလှိုင်မြို့ပေါ်မှာရှိတဲ့ စားသောက်ဆိုင်
တစ်ဆိုင်အတွင်း မူးယစ်သောက်စားနေတယ်ဆိုတဲ့ သတင်းရရှိတာကြောင့် တောင်သာပကဖမှ ရဲမေတွေဦးဆောင်တဲ့အဖွဲ့က ပျောက်ကြားအသွင်ယူပြီး ကွမ်းယာထွက်ဝယ်ချိန်မှာ ဖမ်းဆီးနိုင်ခဲ့တာဖြစ်တယ်လို့လည်း သိရပါတယ်။

အဆိုပါ တပ်ကြပ်ကြီးဟာ အမှတ်(၁)တပ်မတော် အကြီးစားစက်ရုံမှ တပ်ကြပ်ကြီးအောင်ဝင်းကိုဖြစ်တယ်လို့သိရှိရပြီး ၎င်းနဲ့အတူ MA-1အမျိုးအစား လက်နက်(၁)လက်၊ ၅.၅၆ ၂၅၀ တောင့်တို့ကိုပါရရှိခဲ့တယ်လို့ တောင်သာ ပကဖ မှ ထုတ်ပြန်ထားပါတယ်။

သတင်း – Richard

မကွေးတိုင်း၊ စလင်းမြို့နယ်တွင် ဒေါ်အောင်ဆန်းစုကြည် အသက်(၈၀) ပြည့်မွေးနေ့အထိမ်းအမှတ်အဖြစ် စကစ ထောက်တိုင်တွေကို တိုက်ခိုက်ခဲ့တယ်လို့ ဗမာ့တပ်မတော်(Bamar Army)က သတင်းထုတ်ပြန်ထားပါတယ်။

ဇွန်လ ၁၈ရက်နေ့ နဲ့ ၁၉ရက်နေ့တွင် စလင်းမြို့နယ်အတွင်းရှိ စကစရဲ့ထောက်တိုင်တွေဖြစ်သော ပြန်ကြားရေးနဲ့ ပြည်သူ့ဆက်ဆံရေးရုံး၊ မီးသတ်ရုံတို့ကို ရှေ့ထွက်မိုင်းတွေနဲ့ တိုက်ခိုက်ခဲ့ပြီး ဌာနဆိုင်ရာ အထွေထွေအုပ်ချုပ်ရေးရုံးနဲ့ စည်ပင်ရုံးတွေကို ဖျက်အားပြင်းမိုင်းတွေနဲ့ ဖောက်ခွဲတိုက်ခိုက်ခဲ့တယ်လို့ သိရပါတယ်။

အဲ့ဒီဖောက်ခွဲတိုက်ခိုက်မှုကို ဗမာ့တပ်မတော်(Bamar Army)၊ ပေါက်တောင်ပိုင်း ကျန်းမာရေးနဲ့ သူနာပြုတပ်ဖွဲ့၊ စလင်းမြို့ပြ UG ကျားပေါက်အဖွဲ့တို့က တိုက်ခိုက်ခဲ့တယ်လို့ ထုတ်ပြန်ထားပါတယ်။

စစ်ကောင်စီ စစ်သား ၃ ဦးသေဆုံးပြီး ၈ ဦးဒဏ်ရာရ၊ ၂ ဦး အရှင်ဖမ်းမိ

သတင်း ဦးထွန်း

မကွေးတိုင်း ၊ မင်းဘူးခရိုင် ၊ စလင်းမြို့နယ်အတွင်းက ပုသိမ်-မုံရွာ ကားလမ်းအတိုင်း စစ်ကြောင်းထိုးလာတဲ့စစ်တပ်ကို တော်လှန်ရေးပူးပေါင်းတပ်တွေက တိုက်ခိုက်ခဲ့ရာ ၅ ရက်ကြာ တိုက်ပွဲ ဖြစ်ပွားခဲ့တယ်လို့ ဒေါင်းညီနောင် မြို့ပြပြောက်ကျားတပ်ဖွဲ့ က သတင်းထုတ်ပြန်ထားပါတယ်။

၂၀၂၅ခုနှစ်၊ ဇွန်လ ၁၄ရက်နေ့က စလင်းမြို့နယ်၊ ကံပြားရွာဘက်မှ ပုသိမ်-မုံရွာကားလမ်းအတိုင်း တင့်ကားလေးစီး၊ အင်အား၂၀၀ကျော်နဲ့လာတဲ့ စစ်ကောင်စီစစ်ကြောင်းဟာ တော်လှန်ရေးတပ်ဖွဲ့တွေထောင်ထားတဲ့ မိုင်၅လုံးထိပြီး တပ်ကြပ်အပါအဝင် စစ်ကောင်စီတပ်သား ၃ဦးနေရာတင်
ပွဲချင်းပြီးသေဆုံးခဲ့ရတယ်လို့ သိရပါတယ်။

ဇွန်လ၁၄ရက်နဲ့ ၁၅ရက်တွေမှာလည်း ဆက်လက်ပြီး ကြားဖြတ်တိုက်ခိုက်ခံရတာကြောင့် အဆိုပါစစ်ကြောင်းအတွင်းရှိ တင့်ကားများဟာ ရှေ့ဆက်မတိုးနိုင်ဘဲ ကံပြားရွာဘက်သို့ဆုတ်ခွါခဲ့တယ်လို့ ထုတ်ပြန်ချက်အရသိရပါတယ်။

ဇွန်လ၁၆ရက်နေ့မှာတော့ တောလမ်းအတိုင်း ခြေလျင်စစ်ကြောင်းမှ ထပ်မံစစ်ကြောင်းထိုးလာပြီး ခင်ပလူရွာကိုရောက်စဥ် တော်လှန်ရေးအဖွဲ့တွေရဲ့ပိတ်ဆို့မှုကြောင့်ပြန်လည်ဆုတ်ခွါကာ ဇွန်လ၁၇ရက်နေ့မှာတော့ ပိတ်ဆည်းရွာကို ဝင်ရောက်ခဲ့တာကြောင့် တော်လှန်ရေးတပ်ဖွဲ့တွေနဲ့နာရီဝက်ကြာတိုက်ပွဲဖြစ်ပွါးပြီး ကျေးရွာရျိနေအိမ်များကို မီးရှို့ဖျတ်ဆီးသွားတယ်လို့သိရပါတယ်။

၅ ရက်ကြာ အဆိုပါတိုက်ခိုက်မှုကို ဒေါင်းညီနောင် မြို့ပြပြောက်ကျားတပ်ဖွဲ့နှင့်အတူ မင်းဘူးခရိုင် အမှတ်(၅)တပ်ရင်း၊ အမှတ်(၅)တပ်ရင်း Droneတပ်ဖွဲ့၊ စလင်းမြို့နယ် (ပကဖ)၊ မင်းဘူးခရိုင် အမှတ်(၁)တပ်ရင်း၊ မင်းဘူးခရိုင် (ပကဖ)၊‌ဒေါင်းစစ်အောင် LPDF၊SLN LPDF၊ ဗမာ့တပ်တော်၊ ပေါက်တောင်ပိုင်း ဆေးတပ်ဖွဲ့တို့ ပူးပေါင်းတိုက်ခိုက်ခဲ့ကြတာဖြစ်ပြီး စကစဘက်မှ သုံ့ပန်း၂ဦးကိုလည်း အရှင်ဖမ်းမိနိုင်ခဲ့တယ်လို့ ဒေါင်းညီနောင်မြို့ပြပြောက်ကျားတပ်ဖွဲ့ကသတင်းထုတ်ပြန်ထားပါတယ်။