သူရိန်

သတင်း-ဦးထွန်း

မကွေးတိုင်း၊ ရေစကြိုမြို့နယ်မှာ စစ်ကောင်စီလက်ပါးစေ ပျုစောထီးခေါင်ဆောင် လင်းထင် ရဲ့ ဘိလပ်မြေ တင်ဆောင်လာတဲ့ ကားနဲ့ စားဆီပုံး ၁၀၀ တင်ဆောင်လာတဲ့ ကားတွေကိုဖမ်းဆီးရမိခဲ့တယ်လို့ Southern YSO PDF က ယမန်နေ့၊ ညနေပိုင်းမှာ ထုတ်ပြန်ထားပါတယ်။

ဇွန်လ ၂၃ ရက်နေ့၊ ညနေ ၃ နာရီခန့်မှာ စစ်တပ်လက်ပါးစေ ပျူစောထီးခေါင်းဆောင် လင်းထင်ရဲ့ ဘိလပ်မြေတွေ​ တင်ဆောင်လာတဲ့ ကားနဲ့အတူ ရေစကြိုမြို့၊ ရုံးပေါင်းစုံမှ စားဆီ ၁၀ ပိဿာဆံ့ပုံး ၁၀၀ ကိုဖမ်းဆီးသိမ်းဆည်းခဲ့ပြီး ဆီပုံးတွေ တင်လာတဲ့ ကားနဲ့ဒရိုင်ဘာကို ပြန်လွှတ်‌ပေးခဲ့တယ်လို့ ဖော်ပြထားပါတယ်။

အဆိုပါသိမ်းဆည်းရရှိတဲ့ ဘိလပ်မြေတွေကို ဘုရားစေတီ ပြုပြင်ဖို့ အကြောင်းပြပြီး ပျူခေါင်းဆောင် လင်းထင်ရဲ့ တပည့်ဖြစ်သူ ပျူ တင်မိုးရဲ့ အိမ်ဆောက်ဖို့ သယ်ယူနေတာဖြစ်တယ်လို့ ဆိုပါတယ်။

ဆင်ချောင်းကျေးရွာ၊ အုပ်ချုပ်ရေးမှူး ပျူစောထီးခေါင်းဆောင် လင်းထင်ဟာ ရေစကြိုဒေသ သတင်းများဆိုတဲ့ တယ်လီဂရမ် ချန်နယ်မှာ စစ်တပ်အတွက် မဟုတ်မမှန်ဂျင်းသတင်းတွေ​ ရေးသား​ဖြန့်ဝေပေးနေတဲ့သူလည်း ​ဖြစ်တယ်လို့ Southern YSO PDF က အသိပေးထုတ်ပြန်ထားတာ ဖြစ်ပါတယ်။

စစ်တပ်သုံးMAသေနတ် အလက်(၂၀)ကျော်နဲ့ လက်နက်ကြီးအချို့ပါသိမ်းဆည်းရရှိ

သတင်း – မင်းသော်

ပဲခူးတိုင်းအခြေစိုက် တပ်ရင်း၃၈၀၁၊ တပ်ခွဲ(၆)၊ဧရာညီနောင်စစ်ကြောင်းမှ တစ်နှစ်အတွင်း စစ်ကောင်စီတပ်ဖွဲ့တွေနဲ့ တိုက်ပွဲ(၁၉)ကြိမ်အထိဖြစ်ပွါးကာ စစ်ကောင်စီတပ်သား ၇၄ဦးထက်မနည်းကို ရှင်းလင်းနိုင်ခဲ့ပြီး လက်နက်ကြီးလက်နက် ၂၀ ကျော်ကိုလည်း သိမ်းဆည်းနိုင်ခဲ့တယ်လို့ ဧရာညီနောင်စစ်ကြောင်းမှ တာဝန်ရှိသူတစ်ဦးထံမှသိရပါတယ်။

၂၀၂၄ခုနှစ် ၅ လပိုင်းမှ ၂၀၂၅ခုနှစ် ၅လပိုင်းအထိ တစ်နှစ်(၁၂လ)အတွင်း နတ်တလင်းမြို့နယ်၊ အုတ်ဖိုမြို့နယ်၊ ပေါက်ခေါင်းမြို့နယ်၊ မင်းလှမြို့နယ်နဲ့ ပေါင်းတည်မြို့နယ် တို့မှာ စစ်ကောင်စီတပ်ဖွဲ့တွေနဲ့ တိုက်ပွဲကြီး၊တိုက်ပွဲငယ်တွေဖြစ်ပွါးခဲ့တာဖြစ်တယ်လို့ သိရပါတယ်။

“တစ်နှစ်အတွင်းမှာ ၁၉ပွဲလောက်တိုက်ခဲ့ပါတယ်၊ တော်တော်လည်း ပန်းတယ်၊ အကုန်အကျလည်းတော်တော်များတယ်၊ ကိုယ့်ပစ္စည်းနဲ့ကိုယ်တိုက်ရတာလေ” ဟု တပ်ခွဲ(၆)ဧရာညီနောင်စစ်ကြောင်းမှ တာဝန်ရှိသူတစ်ဦးက BBM ကိုပြောပါတယ်။

တစ်နှစ်တာ(၁၂လ)တိုက်ပွဲတွေအတွင်း ပျူစောထီး၁ဦးနဲ့ စစ်ကောင်စီတပ်သား ၇၄ဦးထက်မနည်းရှင်းလင်းနိုင်ခဲ့သလို စစ်ကောင်စီသုံး MA series သေနတ်(၂၁)လက်၊ G-3(၁လက်)၊ ကာဘိုင်(၄)လက်၊ ၆၀ မမ(၂)လက်၊BA၁၀၀(၁)လက်တို့ကိုလည်း သိမ်းဆည်းရရှိခဲ့တယ်လို့လည်း ၎င်းမှဆက်ပြောပါတယ်။

“မှတ်ထားသလောက်ဆို စကစ ဘက်က ၇၀ကျော်ကိုရှင်းနိုင်တယ်၊ လက်နက်ကြီးလက်နက်ငယ်ရတာတွေလည်းရှိတယ်၊ ဒါတောင်ကျွန်တော်တို့ဘက်က လက်နက်တွေသိပ်မပြည့်စုံနေသေးလို့”

အဆိုပါ၁နှစ်တာတိုက်ပွဲအတွင်း တပ်ရင်း(၃၈၀၁)၊တပ်ခွဲ၆၊ ဧရာညီနောင်စစ်ကြောင်းနဲ့အတူ တပ်ရင်း(၃၈၀၂)၊တပ်ရင်း(၃၈၀၄)၊ဗျူဟာ(၂၁)၊ဗျူဟာ(၂၂)၊နတ်စစ်သည်အဖွဲ့တို့မှလည်း ပါဝင်တိုက်ခိုက်ခဲ့ပြီး တော်လှန်ရေးအင်အားစုတွေဘက်မှ ရဲဘော်(၄)ဦးကျဆုံးကာ၊(၈)ဦးဒဏ်ရာရပြီး စိန်ပြောင်း(၂)လက်နဲ့ကျည်အချို့လည်း ဆုံးရှုံးမှုရှိခဲ့တယ်လို့ သိရပါတယ်။

သတင်း – ဦးထွန်း

မန္တလေးတိုင်း၊ ကျောက်ဆည်ခရိုင်၊ တံတားဦးမြို့နယ်မှ ငါန်းဇွန်မြို့နယ်ဘက်ကို ဖောကားနဲ့ ထွက်လာတဲ့ စစ်ကောင်စီ အင်အား ၄၀ ခန့်ကို ပဒေသာမိုင်းဆွဲတိုက်ခိုက်ခဲ့ရာ စစ်သား ၄ ဦးသေဆုံးခဲ့တယ်လို့ မြင်းခြံခရိုင် အမှတ် ၆ တပ်ရင်း တပ်ခွဲ ၂ က မနေ့က ညပိုင်းမှာ ထုတ်ပြန်ခဲ့ပါတယ်။

ဇွန်လ ၂၃ ရက်၊ နေ့လည် ၁ နာရီ ၄၆ မိနစ်မှာ တံတားဦးမြို့နယ် ဂွေးကုန်းဂိတ်မှ ငါန်းဇွန်မြို့နယ် မြို့သာစက်မှုဇုံကို ဖောကားအဖြူနဲ့ထွက်ခွာလာတဲ့ စကစအင်အား ၄၀ ခန့်ကို တော်လှန်ရေးတပ်ဖွဲ့တွေက ပဒေသာမိုင်း ၆ လုံးနဲ့ မိုင်းဆွဲတိုက်ခိုက်ခဲ့တယ်လို့ သိရပါတယ်။

အဲဒီတိုက်ခိုက်မှုမှာ စစ်ကောင်စီတပ်သား ၄ ဦး သေဆုံးတဲ့အပြင် ၁၉ ဦး ထိခိုက်ဒဏ်ရာရရှိခဲ့ပြီး ၂ ဦးမှာ ဒဏ်ရာပြင်းထန်ကြောင်းနဲ့ စစ်သားအလောင်းတွေနဲ့ ဒဏ်ရာရသူတွေကို မြို့သာတိုက်နယ်ဆေးရုံသို့ ပို့ဆောင်ခဲ့တယ်လို့ ဖော်ပြထားပါတယ်။

အဆိုပါတိုက်ခိုက်မှုကို မြင်းခြံခရိုင် အမှတ်(၆)တပ်ရင်း တပ်ခွဲ(၃) ၊ မြင်းခြံခရိုင် အမှတ်(၆)တပ်ရင်း တပ်ခွဲ(၂)နဲ့ TGYR Youth Guerrilla Counter Revolution Ngazun ညီနောင်မဟာမိတ်တွေက ပူးပေါင်းလုပ်ဆောင်ခဲ့တယ်လို့ သိရပါတယ်။