အားကစား

၂၀၂၆ အမျိုးသမီးအာရှဖလားဘောလုံးပြိုင်ပွဲ ယှဉ်ပြိုင်ခဲ့တဲ့ အီရန်အမျိုးသမီးဘောလုံးသမား ငါးဦး သြစတြေးလျမှာ နိုင်ငံရေးခိုလှုံခွင့်

တောင်းခံခဲ့ပါတယ်။

ဒီကစားသမားတွေဟာ အီရန်အသင်း အာရှဖလားက ထွက်ခဲ့ရပြီးနောက် တောင်းခံခဲ့တာဖြစ်ပြီး ကန်ဘာရာပြည်နယ်အစိုးရက

လူသားချင်းစာနာမှုဗီဇာ ထုတ်ပေးခဲ့တယ်လို့ ပြောခဲ့ပါတယ်။

Immigration Minister တိုနီဘာ့ခ်က ဒီအမျိုးသမီးတွေကို သြစတြေးလျရဲတပ်ဖွဲ့က လုံခြုံတဲ့နေရာ ရွှေ့ပြောင်းပေးထားတယ်လို့ ဆိုပါတယ်။

ဒါ့အပြင် ၎င်းက အခြားအီရန်အသင်းအဖွဲ့ဝင်တွေကိုလည်း နိုင်ငံမှာနေမယ်ဆိုရင် ဝမ်းပန်းတသာ ကြိုဆိုမယ်လို့ ပြောခဲ့ပါတယ်။

အီရန်အမျိုးသမီးအသင်းဟာ အုပ်စုအဖွင့်ပွဲ တောင်ကိုရီးယားနဲ့ပွဲမှာ နိုင်ငံတော်သီချင်းမဆိုခဲ့လို့ မိခင်နိုင်ငံပြန်ခဲ့ရင် ထောင်ဒဏ် သို့မဟုတ် သေဒဏ်ကျခံရနိုင်တယ်လို့ သတင်းတွေလည်း ထွက်ထားပါတယ်။

အီရန်ကွန်ဆာဗေးတစ်ရုပ်သံတင်ဆက်သူတစ်ဦးက အီရန်အမျိုးသမီးအသင်းသားတွေကို စစ်အတွင်းက သစ္စာဖောက်တွေလို့ စွပ်စွဲခဲ့ပြီး ပြင်းပြင်းထန်ထန်အရေးယူဖို့ တိုက်တွန်းခဲ့ပါတယ်။

ကမ္ဘာကျော်ဘောလုံးသမား လီယွန်နယ်မက်ဆီနဲ့ အင်တာမိုင်ယာမီအသင်းသားတွေဟာ အိမ်ဖြူတော်ကို သွားရောက်ပြီး သမ္မတဖြစ်သူ ဒေါ်နယ်ထရမ့်နဲ့ တွေ့ဆုံခဲ့ပါတယ်။

အမေရိကန်သမ္မတတွေဟာ နှစ်အလိုက် နိုင်ငံအတွင်း အားကစားပြိုင်ပွဲတွေက ချန်ပီယံအသင်းတွေကို အိမ်ဖြူတော်ကို ဖိတ်ကြားကာဂုဏ်ပြုပွဲ ပြုလုပ်ပေးတာ အစဉ်အလာတစ်ခု ဖြစ်ပါတယ်။

အင်တာမိုင်ယာမီဟာ ပြီးခဲ့တဲ့နှစ် ဒီဇင်ဘာလက အသင်းသမိုင်းမှာ ပထမဆုံးအကြိမ် မေဂျာလိဂ်ချန်ပီယံဆု ဆွတ်ခူးခဲ့ပါတယ်။

သမ္မတ ထရမ့်က အီရန်နဲ့ပတ်သက်တဲ့ နောက်ဆုံးသတင်းပြောကြားမှု ပြုလုပ်ပြီးနောက် အင်တာမိုင်ယာမီအသင်းသားတွေကို လက်ခံတွေ့ဆုံခဲ့တာပါ။

မက်ဆီ(၃၈ နှစ်)ဟာ ပြီးခဲ့တဲ့နှစ် အောက်တိုဘာလက အင်တာမိုင်ယာမီနဲ့ ၂၀၂၈ ခုနှစ်အထိ စာချုပ်သက်တမ်း တိုးခဲ့တာဖြစ်တယ်။

ဘာစီလိုနာနဲ့ PSG ကစားသမားဟောင်းဟာ မေဂျာလိဂ်သမိုင်းမှာ တန်ဖိုးအရှိဆုံးကစားသမားဆုကို နှစ်နှစ်ဆက်ရရှိတဲ့ ပထမဆုံးကစားသမားအဖြစ်လည်း မှတ်တမ်းဝင်ထားပါတယ်။

အမေရိကန်သမ္မတ ဒေါ်နယ်ထရမ့်က နွေရာသီမှာကျင်းပမယ့် ၂၀၂၆ ကမ္ဘာ့ဖလားပြိုင်ပွဲမှာ အီရန်အသင်း ပါဝင်ကစားရင်လည်း ဂရုမစိုက်ကြောင်း ပြောခဲ့ပါတယ်။

အမေရိကန်ဟာ မက္ကဆီကို၊ ကနေဒါနိုင်ငံတွေနဲ့အတူ ကမ္ဘာ့ဖလားပြိုင်ပွဲကို ဇွန်လ ၁၁ ရက်ကနေ ဇူလိုင်လ ၁၉ ရက်အထိ ကျင်းပမှာပါ။

ပြိုင်ပွဲမှာ အီရန်အသင်း ယှဉ်ပြိုင်ရေးအပေါ် မေးမြန်းမှုကို ထရမ့်က ”ကျွန်တော် တကယ်ဂရုမစိုက်ပါဘူး။ အီရန်ဟာ အလွန်ဆိုးရွားတဲ့ စစ်ရှုံးနိုင်ငံတစ်ခုလို့ ကျွန်တော် ယူဆပါတယ်။ သူတို့မှာ မီးခိုးတွေကြားမှာ လျှောက်လှမ်းနေကြပါတယ်”လို့ ပြောခဲ့ပါတယ်။

အီရန်ဟာ ကမ္ဘာ့ဖလားပြိုင်ပွဲ အုပ်စု G မှာ ဘယ်လ်ဂျီယံ၊ နယူးဇီလန်၊ အီဂျစ်အသင်းတွေနဲ့ အတူကျရောက်နေတာပါ။

အီရန်အသင်းရဲ့ အုပ်စုပွဲ သုံးပွဲစလုံးကလည်း အမေရိကန်မြေမှာပဲ ကစားရမှာဖြစ်တယ်။

ဒါပေမဲ့ အီရန်ရဲ့အုပ်စုပွဲတွေမှာ မက္ကဆီကိုမှာ ပြောင်းကစားဖို့ရှိတယ်လို့ သတင်းတွေလည်း ထွက်နေပါတယ်။

#bbmnews#bbm#bbmtv#trump#SportsNews#Iran

လက်ရှိအရှေ့အလယ်ပိုင်းအခြေအနေကြောင့် မတ်လအတွင်းကစားမယ့် အာဂျင်တီးနားနဲ့ စပိန်အသင်းတို့ရဲ့ Finalissima တို့ပွဲစဉ်မသေချာကြောင်း သိရပါတယ်။

Finalissima ပွဲစဉ်ဟာ ဥရောပချန်ပီယံနဲ့ တောင်အမေရိကချန်ပီယံအသင်း ယှဉ်ပြိုင်ကစားတာဖြစ်တယ်။

ယင်းပွဲစဉ်ကို လာမယ့် မတ်လ ၂၇ ရက်မှာ ကာတာနိုင်ငံ၊ ဒိုဟာမြို့က Lusail Stadium ကျင်းပဖို့ စီစဉ်ထားတာပါ။

ကာတာဘောလုံးအဖွဲ့ချုပ်ဟာ နိုင်ငံအတွင်းရှိ ဘောလုံးပြိုင်ပွဲအားလုံးကို တနင်္ဂနွေနေ့က ရပ်ဆိုင်းခဲ့ပါတယ်။

ဥရောပဘောလုံးအဖွဲ့ချုပ်(UEFA)က တောင်အမေရိကဘောလုံးအဖွဲ့ချုပ်(CONMEBOL)နဲ့အတူ အခြေအနေကို အနီးကပ်စောင့်ကြည့်နေတယ်လို့ သတင်းထုတ်ပြန်ခဲ့ပါတယ်။

အာဂျင်တီးနားအသင်းဟာ ကာတာမြေမှာပဲ ကာတာအသင်းနဲ့ မတ်လ ၃၁ ရက်မှာ ခြေစမ်းပွဲကစားဖို့ စီစဉ်ထားပါတယ်။

မန်ချက်စတာယူနိုက်တက်အသင်းဟာ ခရစ္စတယ်ပဲလေ့စ်ကို ၂-၁ ဂိုးနဲ့ အနိုင်ယူကာ အမှတ်ပေးဇယားမှာ တတိယနေရာကို ရောက်လာခဲ့ပါတယ်။

ဒီနိုင်ပွဲနဲ့အတူ အက်စတွန်ဗီလာအသင်းကို ရမှတ်တူ၊ ဂိုးကွာခြားချက်အသာနဲ့ တတိယနေရာ တက်လှမ်းနိုင်ခဲ့တာပါ။

ယူနိုက်တက်အနေနဲ့ ပွဲအစ သုံးမိနစ်မှာပဲ ပဲလေ့စ်အသင်းက လာခရော့ရဲ့ဦးဆောင်ဂိုး စပေးခဲ့ရပြီး ၅၆ မိနစ်မှာ လာခရော့ တိုက်ရိုက်အနီကတ်နဲ့ အငြင်းပွားဖွယ် ထုတ်ပယ်ခံရကာ ပယ်နယ်တီပါပေးခဲ့ရတာက ပွဲကို အလှည့်အပြောင်း ဖြစ်စေခဲ့တယ်။

အသင်းခေါင်းဆောင် ဘရူနိုဖာနန်ဒက်စ်က ပယ်နယ်တီကနေ ချေပဂိုးသွင်းခဲ့ပြီး ရှက်ရှကိုက အနိုင်ဂိုးသွင်းပေးခဲ့ပါတယ်။

ဖာနန်ဒက်စ်ဟာ ယူနိုက်တက်ကစားသမားဘ၀ ဂိုးဖန်တီးမှု အကြိမ် ၁၀၀ ပြည့်မြောက်ခဲ့ပါတယ်။

ရှက်ရှကိုကတော့ ပရီးမီးယားလိဂ် နောက်ဆုံးသုံးပွဲဆက်တိုက် ဂိုးသွင်းယူနိုင်ခဲ့တာပါ။

၂၀၂၂-၂၃ ရာသီ နည်းပြဟောင်း တန်ဟက်ဂ်ရဲ့ပထမဆုံးရာသီမှာ တတိယနေရာ ရပ်တည်ပြီးနောက် ဒီအဆင့်ကို ပထမဆုံးအကြိမ် ပြန်ရောက်

ခဲ့ပါတယ်။

Photo – Manchester United