Richard ရန်ကုန်တိုင်း၊ လှည်းကူးမြို့နယ်၊ ကျောက်အိုင်ကျေးရွာရပ်ကွက်ရှိ ရွေးကောက်ပွဲ ကျင်းပဖို့ ပြင်ဆင်နေတဲ့ အုပ်ချုပ်ရေးမှူးရုံးကို ဖောက်ခွဲတိုက်ခိုက်ခဲ့တာကြောင့် ပျူစောထီး ၂ကောင်သေဆုံးနိုင်တယ်လို့ Yangon Armyရဲ့ တာ၀န်ရှိသူက BBMကိုပြောပါတယ်။
ဒီဇင်ဘာလ ၂၃ရက် ညနေ ၆နာရီ ၄၅မိနစ်ခန့်က အဆိုပါကျောက်အိုင်ကျေးရွာရပ်ကွက်ရှိ အုပ်ချုပ်ရေးမှူးရုံးမှာ လူငယ်တွေကိုပေါ်တာဆွဲဖို့ လူစုနေတဲ့ အုပ်ချုပ်ရေးမှူးနဲ့ ပျူစောထီးတွေကို ပြင်းအားမြင့် မိုင်း၂လုံးနဲ့ ဖောက်ခွဲတိုက်ခိုက်ခဲ့တယ်လို့ ဆိုပါတယ်။
“ငပျူ နှစ်ကောင်လောက်တော့အသာလေးဘဲ။ ခွေးမသားတွေလာမယ့် အချိန်ဆေးလိပ်ဖွာ ထိုင်ဆောင့်ပြီး အေးဆေးကြုံးခဲ့တာ။ ပါတီရုံးတွေက သနားလို့မလုပ်တာ လူပါးတွေဝနေကြလေရဲ့”လို့ အဆိုပါ တာ၀န်ခံက ပြောပါတယ်။
လက်ရှိမှာ တစ်နိုင်ငံလုံးမှာရှိတဲ့ အုပ်ချုပ်ရေးမှူးတွေဟာ ပြည်သူတွေနဲ့ အနီးကပ်ဆုံးနေပြီး စစ်ကောင်စီ အလိုကျ ဒုက္ခပေးနေတာကြောင့် အခုလို တိုက်ခိုက်ရတာဖြစ်တယ်လို့ ဆိုပါတယ်။
“သူတို့က ၀င်ငွေကောင်းတယ်လေ။ ခွေးသားတွေက ပြန်ပေးဆွဲလိုက်၊ ငွေတောင်းလိုက်ပဲ။ ပေးနိုင်ရင် စစ်မှုထမ်းမခေါ်ဘူး။ မပေးနိုင်ရင် ဂျောင်းပဲ။ မြို့နယ်မှူးကနေ အဆင့်ဆင့်ခွဲစားကြတာ”လို့ ဆက်ပြောပါတယ်။
လာမယ့် တစ်ပတ်အတွင်း စစ်ကောင်စီရဲ့ မတရားရွေးကောက်ပွဲကို ကျင်းပတော့မှာဖြစ်တာကြောင့် ရွေးကောက်ပွဲကျင်းပမယ့် အုပ်ချုပ်ရေးမှူးရုံးတွေနဲ့ ခပ်ဝေးဝေးမှာ နေကြဖို့ကိုလည်း သတိပြုတိုက်တွန်းထားပါတယ်။
အဆိုပါ တိုက်ခိုက်မှုကို Yangon Armyနဲ့ အနောက်ပိုင်းခရိုင်ပကဖတို့က ပူးပေါင်းဆောင်ရွက်ခဲ့တာဖြစ်တယ်လို့ သိရပါတယ်။
